Jalluna sanqtallapasti. Tarqa Arika.

Tarqaxa mä p’iya phusañawa, ukasti luratarakiwa t’axt’a janq’u tarqu lawanakata, uka jach’a phusañana lankhupasti, 6 a 8 cm; patxarusti aparakiwa suxta p’iyanaka ukhamaraki aparakispawa phisqha kasta tununaka, jani ukaxa paqallqu kasta tununaka (López 2007). Uka karanganaka sutininsti, López (2007) sutiñchatansti, juphasti qhanañcharakiwa kimsa kasta jach’ani jisk’ani tarqanaka; jach’aki ukasti, tayka jani ukaxa lik’u, satarakiwa (52 cm.) jalla ukaru arkiristi, malta satarakiwa (34 cm.) jalla ukaru arkiristi, ch’ili satarakiwa, ukaxa sinti jisk’axarakiwa (28 cm.). Wali uñt’atanakasti akanakarakiwa: Putusïna tarqa, salinasa tarqa ukhamaraki kurawara tarqa.

Maya qillqata utjarakiwa tarqa chiqanakata, rinku aruta “ emit a deep, Sharp sound all notes, which becomes smooth when blown hard” (Bastien, 2004:559) ukana sarakiwa, waljani jaqinakarakiwa phusarapxi mayacht’asisna; uka maya qutu phusirinakasti satarakiwa: Tarqiyada; phusapxarakikiwa kimsa jaqisa, jani ukaxa sapakisa, uka uywanaka awatirinakaxa, sallqa qullunakana (Romero 2008). Khitinakatixa maya qutucht’asisna phusarapxixa “juphanakasti irnaqapxarakiwa mä ch’amjaña lurawinaka tarqanakampi, kajanakampi ukhamaraki wiphalanaka jawq’añanakampi; jalla ukarusti phichukrakwa phaxtayapxi thuqht’ayañanakapanxa ukhamaraki wali k’uchi, janirakiwa khitisa pantjaskiti” (López 2007:96) Khä mayniri Rossells satasti qillqawarakitaynawa (2009) akhama sasina, tarqana sanqatallapaxa wali musq’awa ukhamaraki warmi aruru uñtasiriwa, sasina; uka tarqa phusasti “katuqarakiwa taqi uraqina inuqatanakapana waruriwinakapa, wali llakisisa mayiñataki, kunawrasatixa q’alpacha wañsxi, ukawrasanaka, jani ukaxa sintipini jalluxa purxi, ukawrasanaka, jani ukaxa taqi kuna imaya jani walinaka utxi yapuchatanakataki, ukawrasanakataki” (Rossells 2009:350).

Juk’ampi qhanañchañani, uka tarqana sanqallapaxa wali juch’usaxa “ukasti khusarakiwa chuymaru k’uchisiyañataki, anata phaxsi urunakana” (IICEP 1973:4), sapxaraksnawa, uka tarqana sanqallanakapaxa, sartayarakispawa nayra jaqinakana ch’amapa; jalla ukatrakwa phusarawinakapaxa, ch’apaqachasiwa satarakixa, kunawrasatixa anata phuñchawinakaxa sarxi, uka qhiparuxa (IICEP 1973).

Sanqatallanaka