Jalluna sanqtallapasti. Tarqa Arika.

Tarqanakasti lurapxarakiwa, mä suma sanqatallanakampi utjawinaka, khaya jallu puriwi phaxsinakana, chiqanxa anata phuñchawina, juphanakasti lurapxarakiwa mathapichasisna, sutichapxarakiwa: tarqiyara, sasina; kimsanisa utjarakiwa, jani ukaxa sapakisa utjarakiwa, kunjamatixa lurapxi uywa awatirinakaxa, khaya sallqa qullunakana (Romero 2008). Khitinakatixa amtapxi uka mathapichasiwinxa “juphanakaxa lurapxarakiwa maya irnaqawi tarqanakampi, kajanakampi ukhamaraki wiphalanakampi jawq’asisa; ukata wali phichuki phaxtayapxaraki ukhamaraki wali k’uchiki thuqht’apxaraki, jani pantjasisa” (López 2007:96). Uka pampana jakasirinakana thuqht’awinakapjamaxa, kattapisiwinakasti panini paninitawa, taqinisa maya qutukkaspasa ukhamaru uñtasiriwa, thuqt’awinakapampisti uñacht’ayapxarakiwa chiqa philanaka, muruq’u philanaka ukhamaraki taqi kuna imaya, jisk’ata jach’aru phila lurawinaka, kunawrasatixa sarantapxi thuqht’asisa, markanaka, kallinaka, juphanakasti t’uqiyapxarakiwa “k’uchisiñanaka, uñañchanaka ukhamaraki anatañanaka, ukampisti juphanakaxa sapxarakiwa, achuqa aptapiñaxa qalltasiwa, sasina; ukhamaraki suyapxarakiwa muspa achuqanaka aptapiña” (Rossells 2009:349). Ukhama sasinsti, uka anata phuñchawi inuqasinsti, tarqa phusirinakasti mathapichasipxarakiwa jakisiñataki, uñjayasiñataki ukhamaraki wayna tawaqunaka jaqichasipxañapataki.

Jalla ukata, jupanakana thuqht’awinakapampisti, uka tarqa phusirinakasti “taqinisa phichukrakwa taqi isinaka luraña munapxaraki” (López 2007:55). Arika markansti sapxarakiwa, uka thuqht’awinakaxa, alaxa qullunakana jakasirinakana lurawinakapa, sasina; ukhamaraki khaya junt’u wallina jakasirinakana lurawinakapawa,sasina; (khä Asapa wallina ukhamaraki Llut’a wallina); ukata jichhaxa saraksna, uka qhana sanqatallanakaxa jakasirakiwa, jaqinakampi chika taqi jupanakana lurawinakapa taypina, jupanakana uraqinakapana.

Aruni Jamuqanaka